21:25 07-11-2021
news_image
1369
FUTBOL

"Qarabağ" liderliyini möhkəmlətdi, "Qəbələ" 2-ci pilləyə yüksəldi - YENİLƏNİB

Bu gün Azərbaycan Premyer Liqasında X tura yekun vurulub.

Apasport.az saytının məlumatına görə, “Zəfər turu”nun ikinci günündə 2 oyun baş tutub.

Bir gün əvvəl olduğu kimi, bugünkü görüşlər də bol qollu alınıb. Ancaq fərq ondadır ki, bu dəfə yalnız qonaq komandalar fərqlənib və aktivlərinə 3 xal yazdırıb.

Milli komandaların oyunları ilə əlaqədar yaranacaq fasilə ərəfəsindəki son qarşılaşmalara Bakıda start verilib. “Səbail” öz meydanında “Qəbələ”ni qəbul edib. Ötən tur uduzan komandaların duelində son dəqiqə qolları həlledici olub. Sabiq "Qəbələ"li Yurgen Qoxanın 56-cı dəqiqədə qırmızı vərəqə alması bakılıları meydanda azlıqda qoyub. Bundan məharətlə yararlanan "qırmızı-qaralar" final fiti ərəfəsində iki dəfə fərqlənərək çətin səfər qələbəsi qazanıb. Bu, "Qəbələ"nin turnir cədvəlində "Neftçi"ni geridə qoyaraq 2-ci pilləyə yüksəlməsi ilə nəticələnib.

Çempionatın lideri “Qarabağ” “Sumqayıt”ın qonağı olub. Ağdamlılar çətin səfər matçında asan qələbə qazanmağı bacarıb. Qurban Qurbanovun yetirmələri fasiləni nəzərə almasaq, 12 dəqiqə ərzində rəqib qapısından 3 top keçirib. Bununla kifayətlənməyən “Qarabağ” sona yaxın daha bir qol vuraraq, böyükhesablı qələbə qazanıb. Bu da ağdamlıların ən yaxın rəqibindən 5 xal uzaqlaşmasına və liderliyini möhkəmlətməsinə kömək olub.

Qeyd edək ki, turun ilk günündə “Sabah” – “Zirə” (3:3) və “Keşlə” – “Neftçi” (3:2) oyunları keçirilib.

Azərbaycan Premyer Liqası
X tur
7 noyabr (bazar)
15:00. “Səbail” – “Qəbələ” - 0:2

Qollar: Emil Səfərov, 88, Məqsəd İsayev, 90+5
Baş hakim: Rəvan Həmzəzadə
“Səbail”: 25. Elxan Əhmədov, 17. Elçin Rəhimli, 14. Rahid Əmirquliyev (k), 3. Turan Manafov, 5. Adil Nağıyev, 7. Mirsayib Abbasov, 21. Məhəmməd Mirzəbəyov, 33. Domantas Şimkus, 34. Yurqen Qoxa, 30. Camal Araqo, 99. Vidadi Cəfərov
Ehtiyat oyunçular: 31. Nail Alışov, 11. Rauf Əliyev, 22. Əfran İsmayılov, 8. Elşən Abdullayev, 10. Cavid Tağıyev, 2. Elton Əlibəyli, 20. Orxan Fərəcov, 24. Elvin Sərkarov, 72. Aydın Ağazadə, 38. Zeynəddin Abdurahmanov
Məşqçi: Vüqar Məmməd
“Qəbələ”: 94. Nicat Mehbalıyev, 19. Rövlan Muradov, 11. Asif Məmmədov (k), 28. Murad Musayev, 14. Ülvi İsgəndərov, 27. Məqsəd İsayev, 34. Urfan Abbasov, 8. Stefan Vukçeviç, 5. İsnik Alimi, 4. Ruan Renato, 10. Omar Hani
Ehtiyat oyunçular: 36. Elməddin Sultanov, 6. Kamal Mirzəyev, 9. Fernan Lopes, 77. Emil Səfərov, 33. Hüseyn Mürsəlov
Baş məşqçi: Elmar Baxşıyev
“ASCO Arena”
 
19:30. “Sumqayıt” – “Qarabağ” - 0:4
Qollar:
Ramil Şeydayev, 39, Musa Qurbanlı, 45+3, 76, Maksim Medvedev, 51 (pen.)
Baş hakim: Elçin Məsiyev
“Sumqayıt”: 1. Tərlan Əhmədli, 3. Vurğun Hüseynov (k), 6. Vüqar Mustafayev, 10. Rəhim Sadıxov, 7. Tellur Mütəllimov, 9. Əli Qurbani, 2. Dmitro Nağıyev, 5. Camaləddin Xocaniyazov, 11. Rüfət Abdullazadə, 8. Səbuhi Abdullazadə, 98. Emil Əliyev
Ehtiyat oyunçular: 13. Aydın Bayramov, 71. Hüseynəli Quliyev, 18. Süleyman Əhmədov, 30. Nəbi Məmmədov, 60. Elvin Məmmədov, 74. Yusif Nəbiyev, 20. Roman Hüseynov, 23. Səid Rza, 19. Xəzər Mahmudov, 21. Sənan Ağayev
Baş məşqçi: Ayxan Abbasov
“Qarabağ”: 1. Şahruddin Məhəmmədəliyev, 5. Maksim Medvedev (k), 2. Qara Qarayev, 19. Filip Ozobiç, 77. Ramil Şeydayev, 13. Bəhlul Mustafazadə, 81. Kevin Medina, 6. Patrik Andrade, 29. Marko Veşoviç, 20. Kadi Borqes, 22. Musa Qurbanlı
Ehtiyat oyunçular: 12. Emil Balayev, 94. Ayhan Arazlı, 4. Rahil Məmmədov, 18. İsmayıl İbrahimli, 7. Riçard Almeyda, 10. Abdullah Zubir, 17. Qaspar Panadero, 25. Vadji İbrahima, 44. Elvin Cəfərquliyev, 24. Zamiq Əliyev, 83. Nihad Quliyev
Baş məşqçi: Qurban Qurbanov
“Kapital Bank Arena”

1

Qarabağ

10

7

2

1

22-7

23

2

Qəbələ

10

5

3

2

18-11

18

3

Neftçi

10

5

2

3

18-16

17

4

Zirə

10

4

4

2

15-11

16

5

Sumqayıt

10

3

2

5

7-12

11

6

Keşlə

10

3

1

6

11-18

10

7

Səbail

10

3

0

7

8-20

9

8

Sabah

10

2

2

6

12-16

8

Bombardirlər: Davit Volkov ("Zirə") - 8 qol