16:47 11-11-2021
news_image
184
FUTBOL

Antirekord qorxusu

Azərbaycan millisi antirekorda imza ata bilər.

Apasport.az saytının məlumatına görə, Canni de Byazinin yetirmələri tariximizin ən uğursuz nəticəsinə imza atmamaq üçün bu gün Lüksemburqa qalib gəlməlidir.

DÇ-2022-nin seçmə mərhələsində son oyununa çıxacaq millinin cəmi 1 xalı var. Bu, komandanın tarixinin ən zəif göstəricisinin təkrarıdır.

Milli özü üçün debüt olan AVRO-1996-nın seçmə oyunlarında da indiki kimi cəmi 1 xal yığıb. Həmin antirekord 26 ildən sonra təkrarlana bilər. Bunun baş verməməsi üçün komandamız Lüksemburqa uduzmamalıdır. Heç-heçə və ya qələbə bu antirekorddan qaçmağa yetərlidir.

Amma bir xal digər antirekorddan qaçmaq üçün kifayət etməyəcək. Söhbət DÇ-lərin seçmə mərhələlərindəki ən uğursuz nəticədən gedir.

Yığmamız iki dəfə DÇ-1998 və DÇ-2006-ya gedən yolda 3 xal toplayıb. Bu gün yalnız qələbə millini antirekorddan qurtaracaq. 

Qeyd edək ki, yığmamız keçirdiyi 7 görüşdə 1 heç-heçə edib, 6 dəfə məğlub olub.