10:24 12-11-2021
news_image
190
FUTBOL

“Omoniya”nın qapıçısı “Qarabağ”la oyunu buraxacaq

“Qarabağ”ın Konfrans Liqasının qrup mərhələsindəki rəqiblərindən “Omoniya” ciddi itki ilə üzləşib.

Apasport.az saytının məlumatına görə, Kipr klubu əsas qapıçısı Fabianonun xidmətindən uzun müddət yararlana bilməyəcək.

IV turda “Bazel”lə (1:1) ev oyununda zədələnən braziliyalı qolkiper tibbi müayinədən keçib. Məlum olub ki, 33 yaşlı qapıçı 2021-ci ildə komandasına kömək edə bilməyəcək. “Omoniya”nın qarşıdakı 8 matçını buraxacaq sabiq “Fənərbaxça”lı həmçinin “Qarabağ”la görüşdə də çərçivədəki yerini ala bilməyəcək.

Qeyd edək ki, “Qarabağ” – “Omoniya” oyunu noyabrın 25-də Tofiq Bəhramov adına Respublika Stadionunda keçiriləcək.