15:01 15-11-2021
news_image
159
FUTBOL

“Barselona” PSJ-dən futbolçusunu geri qaytarır

İspaniyanın “Barselona” klubu heyətinə daha bir futbolçu qatmağa hazırlaşır.

Apasport.az saytının məlumatına görə, La Liqa təmsilçisi Fransa PSJ-sindən Xavi Simonsun keçidini həll etmək niyyətindədir.

18 yaşlı yarımmüdafiəçi “Barselona”nın öz yetirməsidir. Onun parislilərlə müqaviləsi 2022-ci ilin yayında başa çatacaq. İspaniya nəhəngi futbolçunun agenti Mino Rayola ilə müzakirələr aparıb. Klub rəhbərliyi həmin vaxt futbolçunun azad agent statusu almasından yararlanmağı planlaşdırır. 

Qeyd edək ki, 2019-cu ilin yayında PSJ-yə keçən Simons cəmi 2 oyunda meydana çıxıb.