14:22 16-11-2021
news_image
146
FUTBOL

Mahir Emrelinin istirahəti bitdi

Azərbaycan millisinin hücumçusu Mahir Emreli klubu “Legiya”nın düşərgəsinə qoşulub.

Apasport.az saytının məlumatına görə, 24 yaşlı forvard bu gündən kollektivlə birlikdə məşqlərə qatılıb.

Azərbaycan yığmasının heyətində Leksemburq (1:3) və Qətərlə (2:2) oyunlarda iştirak edən Emreli Polşaya qayıtdıqdan sonra məşqçilər korpusu tərəfindən ona bir günlük istirahət verilib. Artıq istirahətini başa vuran forvard bu gün Polşa Ekstraklasasının XV turunda “Qornik”lə səfər görüşünün hazırlıqlarına qatılıb.

Qeyd edək ki, “Qornik” – “Legiya” oyunu noyabrın 21-də keçiriləcək.