22:03 26-11-2021
news_image
138
FUTBOL

Əvvəl 50-ci, sonra 40-cı – “Qarabağ”da yubileylər

“Qarabağ”ın “Omoniya” ilə oyundakı qolları yubileylə əlamətdar olub.

Apasport.az saytının məlumatına görə, ikinci hissənin əvvəlində öz qapısına qol vuran Paris Psaltis Azərbaycan klublarının avrokubokların əsas mərhələsində 50-ci topunun müəllifi olub.

Matçın sonlarında “Qarabağ”ın irəli çıxaran Patrik Andrade isə Ağdam klubunun avrokuboklarda əsas mərhələlər çərçivəsində 40-cı qoluna sevinib.

Bu matçadək Azərbaycan komandaları qrupda 64 oyunda 49 qol vurmuşdu. “Qarabağ” 46 qarşılaşmada 38 dəfə fərqlənmişdi.

Qeyd edək ki, Konfrans Liqasının qrup mərhələsinin V turunun matçı 2:2 hesabı ilə nəticələnib.