12:19 08-01-2022
news_image
118
DİGƏR NÖVLƏR

19 yaşlı dünya çempionu ehtiyatsızlıqdan özünü öldürdü

Yeniyetmələr arasında stend atıcılığı üzrə dünya çempionu Kristian Gilli İtaliyada bədbəxt hadisə nəticəsində dünyasını dəyişib.

Apasport.az saytının məlumatına görə, 19 yaşlı idmançı ov edərkən ehtiyatsızlıqdan tüfənglə özünü qarnından vurub.

İtaliyalı Piza yaxınlığında ov edərkən tüfəngini götürmək üçün əyiləndə təsadüfən qarnına atəş açıb. Onun yanında olan dostları dərhal təcili yardım çağırıb. Gili xəstəxanaya aparılsa da, əməliyyat zamanı dünyasını dəyişib.

Qeyd edək ki, Kristian Gilli ötən il komanda və qarışıq yarışlarda yeniyetmələr arasında stend atıcılığı üzrə dünya çempionu olub. O, həmçinin yeniyetmələr arasında Avropa çempionatında üç qızıl medal qazanıb.