10:53 15-01-2022
news_image
178
FUTBOL

Arazın “Sumqayıt”a keçidi rəsmiləşdi

“Sumqayıt” dövrələrarası fasilədə daha bir futbolçunun transferini açıqlayıb.

Apasport.az saytının məlumatına görə, “Gənclik şəhəri” təmsilçisi Araz Abdullayevi heyətinə cəlb edib.

Son komandası Kiprin “Etnikos” klubu olan yarımmüdafiəçi ilə 6 ay + 2 il şərti ilə müqavilə imzalanıb. Təcrübəli oyunçu “Sumqayıt”da "78" nömrəli formada çıxış edəcək.

Araz “Etnikos”da meydana çıxdığı 12 qarşılaşmada 3 məhsuldar ötürmə ilə yadda qalıb. 29 yaşlı yarımmüdafiəçi “Neftçi”, “Panionios”, “Qəbələ”, “Anortosis”, “Qarabağ” və “Boluspor” kimi klubların uğurları üçün də çalışıb. Abdullayev U-17, U-19, U-21 və əsas milli komandamızın şərəfini qoruyub.

Qeyd edək ki, bunadək Vüqar Bəybalayev və Elşən Abdullayev də “Sumqayıt”la müqavilə imzalayıb.