14:00 16-02-2022
news_image
169
FUTBOL

Abbas Hüseynov “Marsel”ə qarşı oynaya bilər

“Qarabağ”ın müdafiəçisi Abbas Hüseynov Konfrans Liqasının pley-off mərhələsində “Marsel”lə oyunda iştirak edə bilər.

Bu barədə apasport.az saytına klubun mətbuat xidmətinin rəhbəri Gündüz Abbaszadə məlumat verib.

Bir neçə gün əvvəl baş məşqçi Qurban Qurbanov milli komandamızın üzvünün zədə ucbatından fransızlarla ilk görüşü buraxma ehtimalının yüksək olduğunu bildirsə də, Hüseynov Marselə aparılıb. 27 yaşlı sağ cinah oyunçusu artıq məşqlərə cəlb olunub. Onun “Velodrom”dakı görüşdə iştirakı baş məşqçinin qərarından asılı olacaq.

Qeyd edək ki, sabah keçiriləcək “Marsel” – “Qarabağ” matçı Bakı vaxtı ilə saat 00:00-da başlayacaq.