15:32 08-04-2022
news_image
146
FUTBOL

Azərbaycan çempionatındakı qalmaqalın günahkarları cəzalandı

19 yaşadək futbolçular arasında Azərbaycan çempionatının “Keşlə” – “Qəbələ” matçında yaşanan qalmaqalın günahkarları cəzalanıb.

Apasport.az saytının məlumatına görə, bu barədə qərarı AFFA-nın İntizam Komitəsi verib.

Komitə Gənclər Liqasının matçının 90+3-cü dəqiqəsində baş verənləri müzakirə edərək müvafiq qərarlar verib. “Qəbələ”in Ravil Qafarov kütləvi dava-dalaşda iştirak etdiyinə görə birbaşa qırmızı vərəqə ilə meydandan kənarlaşdırıldığı üçün 6 oyun cəzalanıb.
 
“Keşlə” nin üzvləri Nihat Əmrahzadə və Nihad Mollayev kütləvi dava-dalaşda iştirak etdiyinə görə birbaşa qırmızı vərəqə ilə meydandan kənarlaşdırıldığından hər ikisi 6 oyunluq diskvalifikasiya edilib.