13:11 13-10-2008
news_image
487
DİGƏR NÖVLƏR

“Neftçi” dünya üçüncüsü oldu

Bakı. Kənan Həsənov - APA-Sport. Yaponiyanın paytaxtı Tokioda bədii gimnastika üzrə klublararası dünya çempionatı keçirilib. “APA-Sport”un məlumatına görə, Aliyə Qarayeva, Zeynəb Cavadlı və Samirə Mustafayevanın formalaşdırdığı “Neftçi” komandası yarışı üçüncü pillədə başa vuraraq bürünc medal qazanıb. Komandamız yalnız Rusiya və Ukrayna təmsilçilərindən geri qalıb.

Samirə yeniyetmələrin fərdi birinciliyində də medala sahib çıxıb. İp və halqa ilə yarışda uğursuz çıxış edən gimnastımız, lent və gürzlə proqramın ifasına görə bürünc medal qazanıb. Qarayeva ilə Cavadlı isə fərdi birincilikdə fəxri kürsüyə yüksələ bilməyiblər.

Bu arada Almaniyanın Berlin şəhərində beynəlxalq turnir keçirilib. Ölkəmizin yeganə təmsilçisi Anna Qurbanova bütün növlər üzrə finallarda çıxış etsə də, yarışı medalsız başa vurub.