22:13 12-12-2008
news_image
561
STOLÜSTÜ OYUNLAR

Azərbaycan yığmasının baş məşqçisi erməni həmkarının cavabını verdi

“Ermənistanla oyunun yekun protokolunu imzaladım. Sadəcə, bu işi bir az gec etdim”. Bu sözləri Apasport.az saytına açıqlamasında Azərbaycanın qadınlardan ibarət şahmat yığmasının baş məşqçisi Anar Allahverdiyev söyləyib.

Ermənistanlı həmkarının iddiasına cavab verən gənc mütəxəssis onunla görüşmək məcburiyyətində olmadığını bildirib: “Protokolda məşqçilərin bir-birini təbrik etmələri haqda heç nə yazılmayıb. Bu, mütəxəssislərin istəklərindən asılıdır. Amma şahmatçılar mütləq oyundan əvvəl və sonra görüşməlidirlər. Uduzmağı heç kim istəmir. Ermənistana 0:4 hesablı məğlubiyyətdən sonra da məyus olmağım təbiidir”.

Qeyd edək ki, Ermənistan yığmasının baş məşqçisi Arsen Eqiazaryan keçirdiyi mətbuat konfransında Anar Allahverdiyevin oyunun yekun protokolunu imzalamadığını iddia edib. Erməni mütəxəssis azərbaycanlı həmkarının onu təbrik etmədiyini də vurğulayıb.