21:27 04-01-2009
news_image
942
DİGƏR NÖVLƏR

Apasport.az Azərbaycanın ən populyar idman portalı oldu

Populyar idman saytlarından olan www.extratime.az Azərbaycanda ən yaxşı idman portalının müəyyənləşdirilməsi məqsədilə keçirdiyi sorğunun nəticələrini açıqlayıb. Dekabrın 28-dən oxucuların ixtiyarına verilən səsvermənin qalibi digər saytları böyük üstünlüklə geridə qoyub.

Belə ki, respondentlərin 65 faizi ən populyar portal kimi, apasport.az saytına səs verib. Oxucuların 13 faiz rəğbətini qazanan qol.az və azerisport.com ikinci pilləyə şərik olublar. Üçüncü yerdə isə azerifans.com olub – 7 faiz.

Dördüncü pillədə də iki sayt qərarlaşıb. fanat.az və trend.az hərəyə 4 faiz səs toplayıblar. Sonuncu yerdə isə cəmi 2 faiz səs yığan azerifootball.com olub.