00:27 03-03-2009
news_image
835
STOLÜSTÜ OYUNLAR

Teymur Rəcəbov “Linares” turnirində ilk qələbəsini Aronyan üzərində qazandı

Azərbaycan şahmatçısı Teymur Rəcəbov İspaniyada təşkil olunan ənənəvi “Linares” superturnirində ilk qələbəsini qazanıb. Apasport.az saytının məlumatına görə, həmyerlimiz X tur çərçivəsində ermənistanlı Levon Aronyanı təslim edib. Turun digər qələbəsini çinli Van Yue Maqnus Karlsen (Norveç) üzərində qazanıb. Vişvanatan Anand (Hindistan) – Lenyer Dominqes (Kuba) və Aleksandr Qrişuk (Rusiya) - Vasili İvançuk görüşlərində qalib müəyyənləşməyib.

X turdan sonra Qrişuk 6,5 xalla vahid liderdir. İvançuk 5,5, Aronyan, Karlsen və Anandın 5 xalı var. Rəcəbovla Yue 4,5, Dominqes isə 4 xal toplayıb.