23:12 08-05-2009
news_image
605
DİGƏR NÖVLƏR

Baş məşqçi maşın oğrusu çıxdı

Rusiyanın karate üzrə yığma komandasının sabiq baş məşqçisi Georgi Xijnyakov 8 illik həbs cəzası alıb. Apasport.az saytının məlumatına görə, 35 yaşlı çalışdırıcı bir neçə bahalı xarici markalı avtomobilləri qaçırdığı üçün azadlıqdan məhrum edilib.

O, ümumi dəyəri 7,5 milyon rubl olan ən azı beş maşını oğurlamaqda ittiham olunur. Onun başçılıq etdiyi cinayətkar qrupuna 4 nəfər daxil imiş. Onlar 3 ildən 9,5 il müddətinə qədər azadlıqdan məhrum edilib. Cinayətkar banda 2007-ci ildə həbs olunduqdan sonra fəaliyyətini dayandırıb.

Baş prokurorluğunun verdiyi məlumata görə, Xijnyakov və onun əlaltıları “Toyota” markalı avtomobilləri oğurlayırmış. Onlar ticarət mərkəzləri və kafelərindən yayında dayanan maşınları müasir elektrik vasitələrin köməyi ilə qaçırırmış. Siqnalizasiyanı keçirən oğrular qaçırdıqları maşının nömrəni dəyişdirir, sənədləri saxtalaşdırdıqdan sonra həmin avtomobilləri satırlarmış.

Qeyd edək ki, cinayətkarlar ümumi rejimli koloniyada cəzalarını çəkəcək.