12:58 24-05-2009
news_image
538
DİGƏR NÖVLƏR

Demyanenko Azərbaycana gümüş gətirir

Azərbaycan kanoeçiləri Polşanın Poznan şəhərində keçirilən Dünya Kuboku turnirinin ikinci mərhələsində 500 metrlik məsafəyə yürüşdə gümüş və bürünc medal qazanıb. Apasport.az saytının məlumatına görə, kanoe qayıqlarında 500 metrlik məsafəyə yarımfinal yürüşlərindən sonra Valentin Demyanenko birnəfərlik, Sergey Bezuqlı – Maksim Prokopenko dueti isə ikinəfərlik qayıqda öz yarımqruplarında hamını qabaqlayaraq, finala çıxıblar. Finalda Demyanenko gümüş, Bezuqlı – Prokopenko dueti isə bürünc medal qazanıb.
Xatırladaq ki, 1000 metrlik məsafəyə yarımfinal yürüşündə Bezuqlı – Prokopenko dueti seçmə mərhələdə öz yarımqrupunda ikinci yeri tutaraq, birbaşa əsas finala vəsiqə qazanıb.
Final mərhələsinin yürüşləri bu gün keçiriləcək.