12:21 08-07-2009
news_image
1804
DİGƏR NÖVLƏR

Tennisçinin şərəfinə striptiz - FOTOSESSİYA

Şotlandiyalı tennisçi Endi Murreyin “Uimbldon” turnirinin yarımfinalında uduzması britaniyalıları məyus edib. Apasport.az saytının məlumatına görə, Murreyin Londonda yerli publika önündə Endi Roddikə məğlubiyyəti çoxları kimi, məşhur ingilis model Katya Qrinin də kefini pozub.

Amma Katya istedadlı tennisçiyə dəstək olmaq üçün özünəməxsus üsula əl atıb. 22 yaşlı gözəlçə Endini həvəsləndirmək məqsədilə tennis meydançasında striptiz göstərib. Fotosessiya zamanı süni meydança yaradılıb. Tennisçi paltarı geyinən Qrinin arxa fonunda bu idman növünə aid inventarlar yer alıb.

O, jurnalistlərə açıqlamasında Murreyin növbəti il qələbə qazanacağına inandığını vurğulayıb: “Hamı gördü ki, Murrey yarımfinalda Roddiklə bərabər səviyyədə yarışdı. Ümidvaram ki, gələn dəfə Murrey çempion olacaq. Və mən bu səhnəni evdə televizor vasitəsilə əlimdə çiyələk, gavalı dolu boşqab tutaraq, məmnuniyyətlə seyr edəcəyəm”.