10:01 01-12-2009
news_image
547
STOLÜSTÜ OYUNLAR

Bir qələbə, bir heç-heçə

Rusiyanın Xantı-Mansiysk şəhərində təşkil olunan şahmat üzrə Dünya Kubokunda 1/8 final mərhələsinin ilk oyunları keçirilib. Apasport.az saytının məlumatına görə, turnirdə mübarizə aparan Azərbaycanın iki təmsilçisi fərqli nəticə göstərib.

Belə ki, Şəhriyar Məmmədyarov qalib gəldiyi halda, Vüqar Həşimov heç-heçə ilə kifayətlənib. Bu gün şahmatçılarımız eyni rəqiblərə qarşı növbəti oyunlarına çıxacaqlar. Əgər ümumi nəticədə bərabərlik qeydə alınarsa, sabah tay-breyk olacaq.

Xatırladaq ki, Dünya Kubokunda ölkəmizin şərəfini qoruyan digər həmyerlilərimiz - Teymur Rəcəbov, Qədir Hüseynov və Rauf Məmmədov yarışla erkən vidalaşıblar.

1/8 final, ilk oyunlar
Vüqar Həşimov - Fabiano Karuana (İtaliya) - 0,5:0,5
Viktor Lazniçka (Çexiya) - Şəhriyar Məmmədyarov - 0:1