17:23 17-03-2010
news_image
670
DİGƏR NÖVLƏR

Milli komandamız bir güllə ilə iki dovşan vurur

Azərbaycan yığması Almaniyaya yollanır. Azərbaycan Otüstü Hokkey Federasiyasının mətbuat katibi Yaqub Nuriyevin apasport.az saytına verdiyi məlumata görə, bu ayın əvvəlində Çində təlim-məşq toplanışında olan milli komandamız Berlində də dünya çempionatının seçmə mərhələsinə hazırlaşacaq. Təlim-məşq toplanışını zamanı Almaniya yığması ilə yoldaşlıq görüşlərinin keçirilməsi də planlaşdırılıb.

“Bir güllə ilə iki dovşan” vurmaq istəyən otüstü hokkeyçilərimiz Berlində Avropa Klub Çempionları Kubokunda da mübarizə aparacaq. Axı, milli komandamızın əsasını “Atasport”un üzvləri təşkil edir. Bakı klubu 2-5 aprel aralığında Avropa Klub Çempionları Kubokunun D qrupunda yarışacaq. “Atasport” Hollandiyanın “Hertogenboş” (2 aprel) və İngiltərənin “Boudon Hayton” (3 aprel) klubu ilə görüşəcək.