11:08 19-03-2010
news_image
576
STOLÜSTÜ OYUNLAR

Azərbaycan şahmatçısı erməni ilə üz-üzə

Fransanın Nitsa şəhərində təşkil olunan 19-cu “Amber” yarışında V turun oyunları keçirilib. Apasport.az saytının məlumatına görə, turnirdə Azərbaycanın yeganə təmsilçisi Vüqar Həşimov bu dəfə də inamlı təsir bağışlayıb. O, rusiyalı Aleksandr Qrişukdan 2 oyuna 1,5 xal alıb. Gözübağlı partiyada qalib müəyyənləşməyib. Sürətli şahmatda isə Vüqar rəqibinə qalib gəlib.

Hazırda Həşimov gözübağlı oyunda 2,5 xalla 5-9-cu pillələri bölüşdürür. Sürətli şahmatda da eyni xala malik həmvətənimiz 6-cı yerdədir. Ümumi hesabda isə o, 5 xalla 7-ci sıraya sahib çıxıb.

Bu gün Vüqar VI turda ermənistanlı Levon Aronyanla qarşılaşacaq. 11 turdan ibarət yarış martın 25-də yekunlaşacaq. Turnirin ümumi mükafat fondu 216 min avrodur.