09:57 10-06-2010
news_image
665
DİGƏR NÖVLƏR

Olimpiya çempionu qızıl medalını 62 ildən sonra aldı

Belçikalı velosipedçi Ejen Van Rusbrok Olimpiya Oyunlarında qazandığı qızıl medalına 62 ildən sonra sahib olub. Apasport.az saytının məlumatına görə, London-1948-də finiş xəttinə birinci çatan idmançıya medalı Beynəlxalq Olimpiya Komitəsinin prezidenti Jak Roqq şəxsən təqdim edib.

Hazırda 82 yaşı olan Rusbrok bildirib ki, həmin vaxt nəticələrin hesablanması çox vaxt apardığından qalib elan olunmayıb. Yarışda isə mükafatlandırılma mərasimində iştirak etməyən yeganə “bəxtsizlər” məhz onlar olublar.

Qeyd edək ki, bu növdə mübarizə aparan idmançılar finiş xəttinə çatdıqdan sonra idmançıları avtobusa dolduraraq Olimpiya kəndindən çıxarıblar.