11:15 06-05-2011
news_image
1267
STOLÜSTÜ OYUNLAR

14 şahmatçımız Avropa çempionatında mübarizəyə başlayır

Sabah Gürcüstanın paytaxtı Tiflisdə qadınlar arasında şahmat üzrə şəxsi Avropa çempionatı start götürəcək. Apasport.az saytının məlumatına görə, 26 ölkənin zəka sahiblərinin qatılacağı yarışda Azərbaycan milli komandası 14 şahmatçı ilə təmsil olunacaq.

11 gün davam edəcək yarışda Zeynəb və Türkan Məmmədyarova bacıları, Nərmin Kazımova, Nərgiz Umudova, Gülnar Məmmədova, Xəyalə İsgəndərova, Səbinə İbrahimova, Xəyalə Abdulla, Nərmin Soyunlu, Nərmin Xələfova, Aysel Məmmədova, Turan Əsgərova, Ülviyyə Fətəliyeva və Səbinə Quliyeva mübarizə aparacaqlar.

Qeyd edək ki, mükafat fondu 110 min avro olan Avropa çempionatına 132 şahmatçı qatılacaq.