17:24 17-06-2011
news_image
1054
DİGƏR NÖVLƏR

“Bu, bizim köhnə və yaxşı dostluğumuzdan irəli gəlir”

“Bu, bizim köhnə və yaxşı dostluğumuzdan irəli gəlir”. Apasport.az saytının məlumatına görə, bunu Litva Milli Olimpiya Komitəsinin prezidenti Arturas Povilyunas deyib.

O, Azərbaycan və Litva Milli Olimpiya Komitələri arasında əməkdaşlıq haqda sazişin imzalanmasından şad olduğunu bildirib. Povilyunasin sözlərinə görə, bu sazişin imzalanması üçün Litva paytaxtına səfər edən Azərbaycan Milli Olimpiya Komitəsinin vitse-prezidenti Çingiz Hüseynzadə ilə gələcək planlar barədə ətraflı müzakirələr aparıblar.

Povilyunas bildirib ki, Hüseynzadənin Litva paytaxtı Vilnüsə səfəri də yerinə düşüb: “Şadam ki, Çingiz bəy nəhayət ki, Litvaya gəlib. Özü də bu, onun ölkəmizə birinci səfəridir”.