18:00 21-06-2011
news_image
1375
DİGƏR NÖVLƏR

Həmyerlimiz Almaniyada “fərqləndi”

Almaniyanın Münhen şəhərində keçirilən güllə atıcılığı üzrə Dünya Kubokunun mərhələ yarışının ikinci günü də Azərbaycan milli komandası üçün uğursuz olub. Apasport.az saytının məlumatına görə, 25 metr məsafəyə atəş açmada Ruslan Lunyov da hədəfi düzgün nişan ala bilməyib.

O, 575 xal toplayıb ki, bu da 30-cu olması ilə nəticələnib. Amma Lunyov bu nəticə ilə “öyünə” bilər. Çünki Ruslan ən azından eyni məsafəyə atəşaçmada qadınların yarışında İradə Aşumova və Nigar Bağırovanı qabaqlayıb. Onlar isə müvafiq olaraq, 34-cü və 98-ci yeri tutmuşdular.

Qeyd edək ki, snayperlərimiz digər məsafələrdə də çıxış edəcəklər.