19:00 08-07-2011
news_image

Azərbaycan Prezidenti Beynəlxalq Güləş Federasiyasının rəhbərini qəbul edib

Azərbaycan Respublikasının Prezidenti İlham Əliyev iyulun 8-də Beynəlxalq Güləş Federasiyasının Prezidenti Rafael Martinettini qəbul edib. Apasport.az saytının xəbərinə görə, görüşdə ölkəmizdə idmana dövlət səviyyəsində yüksək şəraitin yaradıldığı bildirilib. Həmçinin, İdmançılarımızın nüfuzlu beynəlxalq yarışlarda əldə etdiyi qələbələr qeyd olunub.

Eyni zamanda, Azərbaycanda təşkil edilən mötəbər beynəlxalq idman yarışlarının əhəmiyyətinə toxunularaq iyulun 8-də Bakıda keçirilən və Heydər Əliyevin xatirəsinə həsr olunan güləş üzrə “ Qızıl Qran Pri” beynəlxalq turnirinin önəmi vurğulanıb.

AzərTAC