16:42 19-07-2011
news_image
5443
STOLÜSTÜ OYUNLAR

Bir qadının tələsinə düşdük - YENİLƏNİB

Çinin Ninbo şəhərində keçirilən dünya çempionatında bu gün III turun oyunları baş tutub. Apasport.az saytının məlumatına görə, ilk 2 matçdan sonra aktivində 3 xalı olan şahmat yığmamız bu dəfə Macarıstanı sınağa çəkib.

Komandamızın kapitanı Vladimir Tukmakov macarlarla oyunda yenidən dəyişikliyə əl atsa da, bu özünü doğrultmayıb. O, I turda Çinlə oyunda olduğu kimi III lövhəni yenidən Rauf Məmmədova həvalə edib və qrossmeysterimiz mundialda yeganə qadın iştirakçı Yudit Polqarla bacarmayıb – 0:1.

Şəhriyar Məmmədyarov isə yenidən IV lövhədə özünü göstərməli olub. Lakin o “qıyıqgözlülər”lə oyundan fərqli, bu dəfə qələbə qazana bilməyib və 0,5 xalla kifayətlənib. Onunla bərabər, Teymur Rəcəbov və Vüqar Həşimov da görüşlərini sülhlə başa vurub.

Nəticədə 1,5: 2,5 hesablı məğlubiyyət yığmamızın geriləməsinə səbəb olub. Komandamız ukraynalı və çinli zəka sahiblərinin 2 xal qazanmalarından sonra 3-cü yeri 5-ci pillə ilə dəyişiblər.

Halbuki, 3,5:0,5 hesablı qələbə təmsilçilərimizi vahid liderə çevirəcəkdi. Çünki 2 turdan sonra millimizi turnir cədvəlində qabaqlayan Ermənistan - Rusiya şahmatçılarının dueli heç-heçə çatıb.

Beləliklə, bu turdan sonra Rusiya yığması I pillədəki yerini qoruyub. II yerdəki Ermənistan şahmatçıları da mövqelərini əldən verməyiblər. İlk “3-lüyü” isə artıq Ukrayna qapayır.

Sabah həmyerlilərimiz güclü Rusiya komandası ilə qarşılaşacaq.

III tur

MACARISTAN – AZƏRBAYCAN - 2,5:1,5
Peter Leko (2717) – Teymur Rəcəbov (2744) - 0,5:0,5
Zoltan Almaşi (2726) – Vüqar Həşimov (2760) - 0,5:0,5
Yudit Polqar (2699) – Rauf Məmmədov (2679) - 1:0
Çaba Baloq (2643) – Şəhriyar Məmmədyarov (2765) - 0,5:0,5

ERMƏNİSTAN - RUSİYA - 2:2
HİNDİSTAN - UKRAYNA - 1,5:2,5
ÇİN - İSRAİL - 1,5:2,5
MİSİR - ABŞ - 0,5:3,5

Komanda
O
Q
H
M
X
ŞG
1. Rusiya
3
2
1
0
5
8
2. Ermənistan
3
1
2
0
4
7,5
3. Ukrayna
3
2
0
1
4
6,5
4. İsrail
3
2
0
1
4
6
5. Azərbaycan
3
1
1
1
3
6,5
6. ABŞ
3
1
1
1
3
6,5
7. Çin
3
1
1
1
3
6
8. Macarıstan
3
1
1
1
3
5,5
9. Hindistan
3
0
1
2
1
4,5
10. Misir
3
0
0
3
0
3


Qeyd edək ki, ilk turda Çinlə heç-heçə edən millimiz II turda Hindistan yığmasına 3:1 hesabı ilə qalib gəlib.