17:37 12-08-2011
news_image
904
DİGƏR NÖVLƏR

Azərbaycan dünya çempionatına 4 idmançı ilə yollanır

Sentyabrın 3-dən 14-dək Serbiyanın paytaxtı Belqradda stend atıcılığı üzrə keçiriləcək dünya çempionatına yollanacaq Azərbaycan milli komandasının heyəti məlum olub. Apasport.az saytının məlumatına görə, ölkəmiz mundialda 4 snayperlə təmsil olunacaq.

Hafiz Cəfərovun yetirmələrindən skit növündə hədəf önünə Olimpiya çempionumuz Zemfira Meftəhətdinova, Emin və Nurlana Cəfərova çıxacaqlar. Trap növündə isə atıcılarımızdan Elvin İsmayılov dəqiqliyini yoxlayacaq.

Qeyd edək ki, dünya çempionatına ümumilikdə 73 ölkədən 619 snayper qatılacaq.