16:12 17-08-2011
news_image
948
DİGƏR NÖVLƏR

Dünya kubokuna yollanacaq heyət dəqiqləşdi

Avqustun 20-21-də Bolqarıstanın paytaxtı Sofiyada keçiriləcək bədii gimnastika üzrə Dünya Kubokunda iştirak edəcək Azərbaycan milli komandasının heyəti məlum olub. Apasport.az saytının məlumatına görə, şəxsi yarışlarda ölkəmizi Zeynəb Cavadlı və Samirə Mustafayeva təmsil edəcək.

Qrup hərəkətləri üzrə turnirdə isə yığmamız Ceyla Quliyeva, Stefani Trayanova, Anastasiya Prasolova, Səbinə Abbasova, Yevgeniya Jidkova, Cəmilə Hüseynova və Aelita Xələfovadan ibarət komanda ilə xalçaya çıxacaq.

Qeyd edək ki, gimnastlarımız səfərə Marina Vasileva və Nadejda Xolodkovanın rəhbəriliyi altında yollanacaq. Sofiyada həmçinin, həmyerlimiz Natalya Bulanova ədaləti qoruyacaq.