14:41 13-09-2011
news_image

“Bakıdakı rəqiblərimizi daha yaxından tanımaq istəyirik”

“Azərbaycana dünya çempionatından öncə digər ölkələrin boksçuları da gələcək”. Apasport.az saytının məlumatına görə, bunu Türkiyə yığmasının baş məşqçisi Doqdoerto Rojas Skott deyib.

Kubalı mütəxəssis bildirib ki, dünya çempionatından 15 gün öncə Bakıya gəlmələrində əsas məqsəd yerli ab-havaya uyğunlaşmaq və burada olan digər komandalarla toplanış keçməkdir: “Azərbaycanda başqa ölkələrin yığmaları ilə birgə məşq edib, rəqiblərimizi daha yaxından tanımaq imkanı əldə edəcəyik”.

Qeyd edək ki, paytaxtımızda baş tutacaq dünya çempionatında London-2012-yə 7 lisenziya qazanmağı planlaşdıran türklər ölkəmizə dünən gəliblər.