10:43 14-09-2011
news_image

Yığmamızın əsas heyət üzvlərinə istirahət verildi

Sentyabrın 17-19-da Özbəkistanın paytaxtı Daşkənddə cüdo üzrə Dünya Kuboku keçiriləcək. Apasport.az saytının məlumatına görə, London-2012-yə lisenziya xalları verəcək yarışda Azərbaycan milli komandası əsas heyətlə mübarizə aparmayacaq.

Belə ki, baş məşqçisi Ağayar Axundzadə və məşqçi Hacıağa Hacıəhmədovun Asiyada Olimpiadaya yollanmaq şansını demək olar həll edən cüdoçulardan yalnız İlqar Müşkiyev (60 kq) və Tərlan Kərimova (66 kq) şans verəcək.

Onlardan başqa, Daşkəndə Orxan Səfərov (60 kq), Nicat Şıxəlizadə (66 kq), Rüstəm Alimli (81 kq), Elmar Qasımov (100 kq) və Emil Tahirov (+100 kq) aparılacaq.