20:40 29-09-2011
news_image
2933
STOLÜSTÜ OYUNLAR

SOCAR İsveç klubuna da gücünü göstərdi - YENİLƏNİB

Sloveniyanın Roqaska Slatina şəhərində keçirilən şahmat üzrə klublararası Avropa çempionatı davam edir. Apasport.az saytının məlumatına görə, yarışda mübarizə aparan təmsilçimiz SOCAR V turda “Lunds ASK”la (İsveç) qüvvəsini sınayıb.

İlk 4 turdan sonra aktivində 6 xalı olan paytaxt təmsilçisi çempionatda növbəti qələbəsini qazanıb. Kapitan Vladimir Tukmakovun liderlər - Teymur Rəcəbov və Rüstəm Qasımcanova istirahət verdiyi görüşdə SOCAR rəqibini 4,5:1,5 hesabı ilə məğlub edib.

Komandamızın heyətində ağ fiqurlarla oynayan Şəhriyar Məmmədyarov, Andrey Volokitin və Eltac Səfərli şahmat taxtasından qalib kimi ayrılıblar. Qara fiqurlarla oynayan zəka sahiblərimiz isə heç-heçə ilə kifayətləniblər.

V tur

LUNDS ASK – SOCAR - 1,5:4,5

Hans Tikkanen (2591) – Aleksnadr Qrişuk (2757) - 0,5:0,5
Nils Qrandelius (2536) - Şəhriyar Məmmədyarov (2746) - 0:1
Aksel Smit (2488) - Emil Sutovski (2690) - 0,5:0,5
Yasmin Beytoviç (2425) - Andrey Volokitin (2686) - 0:1
Silas Lund (2380) - Rauf Məmmədov (2660) - 0,5:0,5
Sebestiyan Nilsson (2362) – Eltac Səfərli (2627) - 0:1