13:45 10-10-2011
news_image
1144
DİGƏR NÖVLƏR

Snayperimiz 2 lisenziyanı birdən qazandı

ABŞ-ın Kolambus şəhərində keçirilən paralimpiyaçılar arasında güllə atıcılığı üzrə keçirilən Dünya Kubokuna yekun vurulub. Azərbaycan Paralimpiya Komitəsindən apasport.az saytına verilən məlumata görə, milli komandamızın snayperi Yelena Taranova yarışda uğurla çıxış edərək, 2 lisenziyaya sahib olub.

O, 10 metr məsafədən pnevmatik və 50 metr məsafədən kiçikçaplı tapançadan atəşaçma yarışlarında qızıl medala sahib olub. Bu nəticəyə ilə Taranova həmçinin, 2012-ci ildə keçiriləcək London Yay Paralimpiya Oyunlarına 2 lisenziya qazanıb.

Qeyd edək ki, paralimpiya milli komandamızın bununla da Olimpiadaya vəsiqələrin sayı 18-ə çatıb.