14:50 15-10-2011
news_image
911
STOLÜSTÜ OYUNLAR

Məmmədyarov və Həşimov Çinə yollanacaqlar

Dekabrın 8-16-da Çində II Ümumdünya İntellektual Oyunlarını keçiriləcək. Apasport.az saytının məlumatına görə, bu yarışda Azərbaycan şahmatçıları Şəhriyar Məmmədyarov və Vüqar Həşimov da iştirak edəcəklər.

Turnirdə ümumilikdə Azərbaycan da daxil olmaqla, 12 ölkədən 16 qrossmeyster mübarizə aparacaqlar. Həmyerlilərimizin rəqibləri sırasında Aleksandr Qrişuk (Rusiya), Sergey Krayakin, Vasili İvançuk, Ruslan Ponomaryov (hər üçü Ukrayna), Qata Kamski (ABŞ), Van Yue, Van Xao (hər ikisi Çin), Maksim Vaşiye-Laqrav (Fransa), Aniş Qiri (Hollandiya), Le Kuanq Lyem (Vyetnam), Fransisko Valyexo (İspaniya), Zoltan Almaşi (Macarıstan), Lenyer Dominqes (Kuba) və David Navara (Çexiya) yer alırlar.

Qeyd edək ki, yarış iştirakçıları sürətli şahmatda və blitsdə qüvvələrini sınayacaqlar.