15:48 15-10-2011
news_image

Qran-pridə rəqiblərimiz bilindi

Oktyabrın 16-18-də Birləşmiş Ərəb Əmirliklərinin paytaxtı Abu-Dabidə keçiriləcək cüdo üzrə Qran-pri turnirinin püşkatma mərasimi keçirilib. Apasport.az saytının məlumatına görə, London-2012-yə lisenziya xalı verəcək yarışa 9 idmançı ilə qatılan Azərbaycan cüdoçuların rəqibləri müəyyənləşib.

200 min ABŞ dolları mükafat fondu olan Qran-pridə Ağayar Axunzadənin yetirmələrindən 4-ü mübarizəyə II mərhələdən qoşulacaq. Olimpiya çempionumuz Elnur Məmmədli isə öz çəkisində (81 kq) deyil, 90 kq çəki dərəcəsində özünü yoxlayacaq.

Püşkün nəticəsi

I mərhələ
İlqar Müşkiyev (60 kq) – Elisa Mayraşi (CAR)
Elnur Məmmədli (90 kq) – Robbi van Laarhoven (Hollandiya)
Elmar Qasımov (100 kq) – Leonardo Leyte (Braziliya)
Kifayət Qasımova (57 kq) – Covana Rogiç (Serbiya)
Ramilə Yusubovanın (63 kq) – Camila Minakava (Braziliya)

II mərhələ
Tərlan Kərimov(66 kq) – Georg Peyter (Avstriya) – Antti Rintamaki (Finlandiya) cütünü qalibi
Nicat Şıxəlizadə (66 kq) – Mixael Pulyayev (Rusiya)
Elxan Rəcəbli (81 kq) - Murat Xabaçirov (Rusiya)
Elxan Məmmədov (90 kq) – Vinikius Nunes (Braziliya)


Qeyd edək ki, sabah təmsilçilərimizdən tatamiyə Müşkiyev, Kərimov, Şıxəlizadə və Qasımova çıxacaqlar. Oktyabrın 17-də Yusubova və Rəcəbli nəyə qadir olduqlarını göstərəcəklər. Qran-prinin son günündə isə Məmmədli və Məmmədov yarışa qatılacaqlar.