11:26 17-12-2011
news_image
1369
STOLÜSTÜ OYUNLAR

Vladimir Kramnik: Teymur Rəcəbov dünya çempionu ola bilər

Şahmat üzrə rusiyalı sabiq dünya çempionu Vladimir Kramnik növbəti illərdə mundialın qalibi ola biləcək zəka sahiblərinin adını açıqlayıb. Apasport.az saytının məlumatına görə, qrossmeyster gənc nəsil arasında 4 şahmatçının bu titula sahib çıxa biləcəyini deyib.

Kramnikin proqnozlarına əsasən, bu siyahıda azərbaycanlı Teymur Rəcəbov da var: “Maqnus Karlsenin dünya çempionluğu üçün çox yüksək şansları var. Lakin o, bu ada yeganə namizəd deyil. Fikrimcə, Levon Aronyan da inkişaf edir, çox güclü şahmatçıdır. Sergey Karyakini və Teymur Rəcəbovu da bu siyahıda mütləq qeyd etməliyəm. Onlar da əla perspektiv vəd edirlər. Heç kimin xətrinə dəymək istəmirəm. Digər istedadlı zəka sahibləri də var. Lakin onlar bu “dördlük”lə bərabər səviyyədə mübarizə aparmaq gücündə deyillər. Bunun üçün də onların adlarını çəkmirəm. Dünya çempionu olmaq elə də asan deyil”.