15:36 30-01-2012
news_image
987
STOLÜSTÜ OYUNLAR

Bakının ikinci cəhdi

Azərbaycan Şahmat Federasiyası şahmat tacı uğrunda iddiaçıların turnirini keçirməklə bağlı FİDE-yə rəsmi müraciət edəcək. Apasport.az saytının məlumatına görə, həmin yarışın bu ilin payızında keçirilməsi planlaşdırılsa da, hələ dəqiq vaxtı bilinmir.

Reqlamentə əsasən namizəd ölkələr sifariş ərizələrini fevralın 1-nə kimi verməlidirlər. Ancaq bu anadək potensial rəqiblərimizin heç birinin adı müəyyənləşməyib.

Qeyd edək ki, bu müraciət iddiaçılar turniri üçün Azərbaycanın ikinci cəhdidir. Ötən il də analoji yarışın Bakıda keçirilməsinə FİDE icazə versə də, erməni qrossmeyster Levon Aronyanın ölkəmizə gəlməməyi səbəbindən turnirə Rusiya ev sahibliyi etmişdi.