10:18 06-02-2012
news_image

“Böyük Dəbilqə”də böyük fiasko

Fransanın paytaxtı Parisdə keçirilən cüdo üzrə “Böyük Dəbilqə” turnirinə yekun vurulub. Apasport.az saytının məlumatına görə, London-2012-yə lisenziya xalları verən yarışda Azərbaycan idmançıları medala həsrət qalıblar.

Belə ki, turnirin ikinci günü mübarizəyə qoşulan 3 cüdoçumuzdan yalnız Elxan Məmmədov (90 kq) fərqlənib. Yığmamızın liderinin gücü isə 5-ci olmağa çatıb.

Bununla da, 8 cüdöçu ilə “Böyük Dəbilqə”yə qatılan millimiz komanda hesabında 24-cü olub. Məmmədovdan öncə isə İlqar Müşkiyev (60 kq) eyni nəticəni təkrarlamışdı.

Qeyd edək ki, 5-ci yeri tutan həmyerlilərimiz aktivlərinə 60 lisenziya xalı əlavə ediblər.