00:07 11-02-2012
news_image

Milli komandamızın heyəti açıqlandı

Fevralın 18-19-da Almaniyanın Düsseldorf şəhərində cüdo üzrə Qran-pri turnirində iştirak edəcək Azərbaycan milli komandasının heyəti məlum olub. Apasport.az saytının məlumatına görə, London-2012-yə lisenziya xalı verəcək yarışa yığmamız 9 cüdoçu ilə qatılacaq.

Bunlar İlqar Müşkiyev (60 kq), Tərlan Kərimov (66 kq), Rüstəm Orucov (73 kq), Elnur Məmmədli, Elxan Rəcəbov (hər ikisi 81 kq), Elxan Məmmədov (90 kq), Elmar Qasımov (100 kq), Kifayət Qasımov (57 kq) və Ramilə Yusubovadır (63 kq).

Qeyd edək ki, turnirdə 97 ölkədən 677 idmançı (400 kişi, 277 qadın) mübarizə aparacaq.