10:14 16-02-2012
news_image
969
STOLÜSTÜ OYUNLAR

Şahmatçılarımız Rusiyadan əliboş qayıdırlar

Rusiyanın paytaxtı Moskvada keçirilən şahmat üzrə “Aeroflot open” turnirinə yekun vurulub. Apasport.az saytının məlumatına görə, yarışda iştirak edən Azərbaycan milli komandasının 4 üzvündən heç biri mükafatçılar sırasında yer ala bilməyib.

Belə ki, turniri Eltac Səfərli 5,5 xalla 23-cü yerdə başa vurub. Ondan 1 xal az toplayan Rauf Məmmədovun 42-ci olduğu yarışda Qədir Hüseynov 4 xalla 60-cı olub.

B turnirində ölkəmizi təmsil edən Namiq Quliyev isə 5 xalla 52-ci pilləni tutub.

Qeyd edək ki, 9 oyunun yekununa görə A yarışının qalibi 6,5 xalla Mateuş Bartel (Polşa), B turnirinin çempionu isə 7,5 xalla Əmrə Can (Türkiyə) olub.