09:19 15-05-2012
news_image
1059
DÖYÜŞ NÖVLƏRİ

Maranyan və Arutyunyan yığmamıza rəqib oldu

Yunan-Roma güləşi üzrə Rusiya milli komandasının heyəti açıqlanıb. Apasport.az saytının məlumatına görə, mayın 19-20-də Saranskda keçiriləcək Dünya Kubokunda Azərbaycan yığmasının rəqibi heyətə 14 güləşçi daxil edib.

Baş məşqçi Qoqi Koquaşvili son dünya çempionatının ilk “səkkizliyi”ndə yer alan millilərin yarışında Nazir Mankiyev, Stepan Maranyan (hər ikisi 55 kq), İbrahim Labazanov, İvan Kuylakov (hər ikisi 60 kq), Miqran Arutyunyan, Yuri Denisov (hər ikisi 66 kq), Emil Şarafətdinov, İlyas Məhəmmədov (hər ikisi 74 kq), Aleksey Mişin, Zaur Karajev (hər ikisi 84 kq), Nikita Melnikov, İslam Məhəmmədov (hər ikisi 96 kq), Aleksandr Anuçin və Şoxruddi Ayubova (hər ikisi 102 kq) güvənəcək.

Qeyd edək ki, ötən həftə Bakıda keçirilən sərbəst güləş üzrə Dünya Kubokunda Azərbaycan yığması ikinci yeri tutub.