15:17 07-06-2012
news_image
1187
STOLÜSTÜ OYUNLAR

Teymur Rəcəbov “ağlar”la başlayacaq

Mixail Talın xatirəsinə həsr edilmiş şahmat üzrə ənənəvi beynəlxalq turnirin blits növünün təqvimi müəyyənləşib. Apasport.az saytının məlumatına görə, bu gün Moskvada start götürəcək yarışda Azərbaycanı təmsil edən Teymur Rəcəbov (2784) ilk görüşünü ağ fiqurlarla Aleksandr Morozeviçə qarşı keçirəcək. Qrossmeysterimizin son matçı isə Fabiano Karuana ilə olacaq.

Həmyerlimizlə yanaşı, Maqnus Karlsen (Norveç, 2835), Levon Aronyan (Ermənistan, 2835), Vladimir Kramnik (2801), Aleksandr Morozeviç (2769), Yevgeni Tomaşevski (2738), Aleksandr Qrişuk (hamısı Rusiya, 2761), Hikaru Nakamura (ABŞ, 2775), Fabiano Karuana (İtaliya, 2770) və Lük Makşeynin (İngiltərə, 2706) qatılacağı yarışın blits növündə şahmatçıların tutacağı yerlərə uyğun olaraq, əsas turnirin təqvimi müəyyənləşəcək.

I tur. Teymur Rəcəbov - Aleksandr Morozeviç
II tur. Aleksandr Qrişuk - Teymur Rəcəbov
III tur. Teymur Rəcəbov - Yevgeni Tomaşevski
IV tur. Maqnus Karlsen - Teymur Rəcəbov
V tur. Teymur Rəcəbov - Levon Aronyan
VI tur. Vladimir Kramnik - Teymur Rəcəbov
VII tur. Teymur Rəcəbov - Lük Makşeyn
VIII tur. Teymur Rəcəbov - Hikaru Nakamura
IX tur. Fabiano Karuana - Teymur Rəcəbov

Qeyd edək ki, yarış iyunun 19-da başa çatacaq.