“Qaralar”ın günü və ya Morozeviç Rəcəbova çatdı
Mixail Talın xatirəsinə həsr edilmiş şahmat üzrə ənənəvi beynəlxalq turnirdə 3-cü turun oyunları başa çatıb. Apasport.az saytının məlumatına görə, Moskvada keçirilən yarışda Azərbaycanı təmsil edən Teymur Rəcəbov ardıcıl 2-ci qələbədən sonra ilk xal itkisi ilə üzləşib. O, Vladimir Kramnikə qarşı ağ fiqurlarla oynasa da, heç-heçəyə razılaşıb.
Üçüncü yarış günündə Rəcəbov kimi ağ fiqurlarla oynayan şahmatçıların heç biri qələbə qazana bilməyib.
III tur
Teymur Rəcəbov (Azərbaycan) - Vladimir Kramnik (Rusiya) - 0,5:0,5
Aleksandr Qrişuk (Rusiya) - Aleksandr Morozeviç (Rusiya) – 0:1
Levon Aronyan (Ermənistan) - Lük Makşeyn (İngiltərə) – 0:1
Maqnus Karlsen (Norveç) - Fabiano Karuana (İtaliya) – 0,5:0,5
Hikaru Nakamura (ABŞ) - Yevgeni Tomaşevski (Rusiya) – 0,5:0,5
3 turdan sonra turnir cədvəli: Rəcəbov, Morozeviç - 2,5, Kramnik - 2, Aronyan, Karlsen - 1,5, Karuana, Qrişuk, Nakamura, Tomaşevski, Makşeyn – 1.
Qeyd edək ki, bu gün yarışda istirahətdir.
