16:17 15-08-2012
news_image
1440
DÖYÜŞ NÖVLƏRİ

Yuliya Ratkeviç: Həmin gün mənim günüm idi - MÜSAHİBƏ

London Yay Olimpiya Oyunlarında Azərbaycan yığmasına bürünc medal qazandıran güləşçi Yuliya Ratkeviçin apasport.az saytına müsahibəsi

- Olimpiadanın bürünc medalçısı olacağınıza inanırdınız?
- Bəli, hər qələbəmdən sonra buna daha çox inanırdım. Məşqçim də məni çox ruhlandırdı, mükafatçılar sırasına düşməyimdə böyük rolu oldu. Həmin gün mənim günüm idi.

- 1/4 finalda yaponiyalı Saori Yoşidaya məğlubiyyətə görə çox üzülmədiz ki?
- Yox, əvvəla rəqib çox güclü idi. 9 dəfə dünya və 2 dəfə Olimpiya çempionu olmuşdu. Məğlubiyyətdən sonra üzülməməliydim. Çünki hələ medal qazanmaq şansım qalmışdı və bunun üçün çox çalışmaq lazım idi. Mübarizəni davam etdirib, Olimpiadanı mükafatla başa vurmaq istəyirdim. Əksinə, daha yaxşı köklənib, maksimum gücümü göstərmək arzusundaydım.

- Ən yadda qalan döyüşünüz hansı oldu?
- Təbii ki, mənə medal qazandıran rusiyalı Valeriya Jolobova ilə qarşılaşmam.

- Artıq 27 yaşınız var. Karyeranızı nə qədər davam etdirmək istəyirsiz?
- Karyeramı bitirmək niyyətim yoxdur. Hələ güləşməyə davam edəcəyəm.