11:39 29-11-2012
news_image

Yığmamız Eylatda

Bu gün İsrailin Eylat şəhərində ağır atletika üzrə Avropa birinciliyi start götürəcək. Apasport.az saytının məlumatına görə, dekabrın 9-dək davam edəcək yarışda Azərbaycan yığması 2 yaş qrupunda qüvvəsini sınayacaq.

20 yaşa qədər atletlərin mübarizəsində Firidun Quliyev (69 kq), Nicat Rəhimov (77 kq), Kamran İsmayılov (85 kq) və Nailxan Nəbiyev (94 kq) idman şərəfini qoruyacaq. 23 yaşa qədər ağırlıqqaldıranlar arasında isə Rauf Nəbiyevlə (62 kq) Orxan Əliqulizadə (85 kq) bacarığını nümayış etdirəcək.

Qeyd edək ki, Avropa birinciliyində Azərbaycanı hakim qismində Rizvan Rəsulov təmsil edir.