20:31 24-12-2012
news_image

Yeniyetmələrimiz Ukraynada mübarizə aparacaq

Dekabrın 25-26-da Ukraynanın Brovarı şəhərində Ümummilli lider Heydər Əliyevin xatirəsinə və Dünya Azərbaycanlılarının Həmrəylik gününə həsr olunmuş sərbəst güləş üzrə yeniyetmələr arasında IV beynəlxalq turnir keçiriləcək. Apasport.az saytının məlumatına görə, yeniyetmələrdən ibarət yığma komandanın üzvləri dəvətə əsasən, bu mötəbər beynəlxalq turnirdə mütəmadi olaraq iştirak edirlər.

Komandanın məşqçisi Vahid Məmmədovun rəhbərliyi altında turnirə Vasif Niyazlı (42 kq), Orxan Abbasov (46 kq), Əfqan Xaşalov (50 kq), Ruslan Abdullayev (58 kq) və İqbal Hacızadə (100 kq) yollanıb.