11:00 27-01-2013
news_image
849
DİGƏR NÖVLƏR

CAR-dan yığmamıza 7 cavabsız qol

Azərbaycanın qadın otüstü hokkeyçilərdən ibarət milli komandası Cənubi Afrika Respublikasının (CAR) paytaxtı Keyptaunda keçirilən Dünya Liqasının II raundunda üçüncü matçına çıxıb. Apasport.az saytının məlumatına görə, ilk turda Qana yığmasına 4:0, ardınca Avstriya millisinə 2:1 hesabı ilə qalib gələn komandamız bu dəfə ev sahibləri ilə qüvvəsini sınayıb.

Oyun hokkeyçilərimiz üçün uğursuz alınıb və CAR təmsilçimizin qapısından 7 cavabsız qol keçirib. Məğlubiyyət isə yığmamızın 3-cü pilləyə enməsi ilə nəticələnib. Üçüncü görüşdə qalib gələn CAR 9 xalla vahid liderliyə yüksəlib. İkinci yerdə qərarlaşan Belçika millisinin 6 xalı olsa da, Azərbaycanı top fərqinə görə qabaqlayır.

Qeyd edək ki, növbəti matçında komandamız məhz Belçika ilə qarşılaşacaq. Mərhələ adlamaq üçün yığmamıza qələbə vacibdir.