09:09 11-06-2013
news_image
885
STOLÜSTÜ OYUNLAR

Dünya çempionluğunun ardınca 16-cı yer

Rusiyanın Xanti-Maysiysk şəhərində şahmatın rapid və blits növləri üzrə keçirilən Avropa çempionatına yekun vurulub. Apasport.az saytının məlumatına görə, 60 zəka sahibi rapid növünün ardından blitsdə nəyə qadir olduğunu nümayiş etdirib.

İlk yarışdan fərqli, bu dəfə Azərbaycan şahmatçılarından heç biri mükafatçılar sırasına düşə bilməyib. Belə ki, təmsilçilərimizdən Rauf Məmmədov 6-cı (19,5 xal), Şəhriyar Məmmədyarov 16-cı (16,5), Eltac Səfərli 19-cu (16) və Qədir Hüseynov 36-cı (14,5) yeri tutublar. Çempion adına Məmmədovdan 1 xal çox toplayan vyetnamlı Liem Le sahib olub.

Qeyd edək ki, rapid növündə Məmmədyarov bütün rəqiblərini qabaqlayaraq, dünya çempionu olmuşdu.