“Məmmədyarovla oyundakı səhvə izah tapa bilmirəm”
“Turnir çox əsəbi alındı. Bunun da nəticəsində bəzi uğursuzluqlar oldu”. Apasport.az saytının məlumatına görə, bu sözləri Bolqarıstan şahmatçısı Veselin Topalov deyib.
Qran-Prinin qalibi adını Çində keçirilən V mərhələdən sonra təmin edən qrossmeyster Pekindəki oyunlar haqda fikirlərini açıqlayıb. Topalov mərhələnin qalibi olan Azərbaycan şahmatçısı Şəhriyar Məmmədyarova yenilgisindən də bəhs edib: “Şəhriyar Məmmədyarova uduzmağım da bundan irəli gəldi. Lakin Çində 1-ci olan Şəhriyar da da eyni şeylər oldu. Yarışın qalibi olmasına baxmayaraq o da 2 dəfə uduzdu. Yalnız Peter Leko turniri məğlubiyyətsiz bitirdi. Düz yerdə etdiyim yanlışlara, səhvlərə izah tapa bilmirəm. Aniş Giri və Məmmədyarovla görüşlərdə də belə oldu”.
