22:16 27-11-2013
news_image
2032
STOLÜSTÜ OYUNLAR

Yığmamız Hollandiyanı da məğlub etdi - YENİLƏNİB

Türkiyənin Antalya şəhərində keçirilən şahmat üzrə komandalararası dünya çempionatı davam edir. Apasport.az saytının məlumatına görə, bu gün baş tutan II tur çərçivəsində Azərbaycan yığması Hollandiya millisi ilə qarşılaşıb.

Bir gün öncə Türkiyəyə qalib gələn Aleksandr Xalifmanın komandası bu dəfə daha inamlı təsir bağışlayıb. Rauf Məmmədovla Qədir Hüseynovun heç-heçə etdiyi görüşdə Eltac Səfərli və Nicat Məmmədov qələbə qazanıb. Növbəti 2 xalı aktivinə yazan yığmamız II turdan sonra məğlub olmayan 3 komandadan biridir.



II tur

AZƏRBAYCAN – HOLLANDİYA - 3:1
Rauf Məmmədov (2647) – Aniş Qiri (2732) - 0,5:0,5
Eltac Səfərli (2653) – Lyuk Van Veli (2678) - 1:0
Nicat Məmmədov (2616) – İvan Sokolov (2625) - 1:0
Qadir Hüseynov (2607) - Ervin Lami (2648) - 0,5:0,5

Misir – Ermənistan - 0,5:2,5
ABŞ – Rusiya - 3:1
Çin – Ukrayna - 1,5:2,5
Almaniya – Türkiyə - 3:1


Turnir cədvəli: Azərbaycan, Ukrayna, Almaniya – 4 xal; Ermənistan - 3; ABŞ, Çin 2; Rusiya, – 1; Türkiyə, Hollandiya, Misir – 0.