17:28 30-04-2014
news_image

Türkiyəli olimpiya çempionu Bakıda

“Yenidən Bakıda olmağımdan məmnunam”. Lent.az-ın məlumatına görə, bunu taekvondo üzrə olimpiya və dünya çempionu Sərvət Təzəgül deyib.

26 yaşlı idmançı bildirib ki, mayın 1-də Bakıda start götürəcək Avropa çempionatı 2016-cı il Rio-de-Janeyro Yay Olimpiya Oyunlarına gedən yolda önəmli mərhələ rolunu oynayacaq: “Çünki burada reytinq sistemi var. Avropa çempionatında səhvlərimizi görərək, gələcək yarışlarda aradan qaldıracağımıza ümid edirəm”.

Qeyd edək ki, Sərvət Təzəgül 68 kq çəki dərəcəsində 2011-ci ildə dünya çempionu, 2012-ci ildə isə London Yay Olimpiya Oyunlarının qalibi olub.